Ikasleak pertsona gisa garatzea xede dugunez gero, ezinbestekoa da ikasleekin harremanetan dauden pertsonen arteko elkarlana bermatzea. Horregatik, Orientazio-zerbitzuko funtzio nagusia ikasleei, irakasleei eta gurasoei beharrezkoa den orientazioa eta laguntza eskaintzea da, beharrak aztertuz eta dagokion orientabidea bideratuz.

Ikaslearekiko gure begirada gaitasunetan eta aniztasunean oinarritzen da, hau da, pertsona guztiek gaitasunak ditugula eta pertsona guztiak bakarrak eta errepikaezinak garela. Hori dela eta, ikastolan ezartzen diren metodologia eta curriculum neurri guztien helburua erantzun inklusibo bat eskaintzea da.