Proiektu honekin hainbat ezagutza barneratzen ari dira gure ikasleak. LH3ko ikasleen ardura da ikasturtero, proiektua garatzea eta besteena, gozatzea. Naturak gure ingurunean duen garrantzia, baratza baten zaintzan zer egin behar den, landareak landatzeko zein pauso jarraitu behar diren, nola kalkulatu lorontzien bolumena, zein material behar den, anilamienganako errespetua eta zaintzeko ardura… Honekin guztiarekin, eguneroko bat egiten ari dira eta bakoitzak zer egiten ari den adierazten du bertan. Horrez gain, gaiari lotutako abestiak eta dantzak ere ikasi dituzte.

Proiektu honekin haurraren gozamena eta ongizatea bilatu nahi ditugu. Erakusten ari diren jarrera eta interesa ikusita, argi dago, bide onetik goazela.