Arrainaren kontsumoa bultzatzea helburu duen XX. Arrain Azokaren leloa ‘Arraina sukaldean: gozoa, erraza eta merkea” izango da. Maiatzaren 16, 17 eta 18an egingo den Bermeoko Arrain Azokak 20 urte beteko ditu aurten eta hainbat izango dira bere 20. urteurrenean aurkeztuko dituen nobedadeak, besteak beste, sukaldaritza zuzenean, zentzumen tailerrak eta arrain-dastatze tailerrak. “Horrela, XX. Arrain Azoka gure sukaldeetara hurbilduko da eta arraina modu erakargarrietan zelan prestatu erakutsiko digu. Horrez gain, arrainarekin harremanetan jarriko digu zentzumen tailerretan eta egingo diren dastatzeetan”, adierazi du Idurre Bideguren, Bermeoko alkateak.
Izan ere, Bermeoko alkateak, adierazi duenez, ‘Arraina sukaldean: gozoa, erraza eta merkea’ izenburuarekin egingo den aurtengo Arrain Azokaren helburua da “arrainaren kontsumoa bultzatzea da eta hori lortzen saiatuko gara ekimen hauekin”.
